युनिकोड
इरानले इराकमा रहेका दुई अमेरिकी सैनिक आधार शिविरमा एक दर्जनभन्दा बढी ब्यालिस्टिक क्षेप्यास्त्र प्रहार गरेकाे छ।
गत साता अमेरिकाले आ प्रमुख जर्नेलको हत्या गरेको बदलामा आक्रमण गरेको इरानले बताएको छ।
बगदाद नजिकै रहेका ती शिविरमा गरिएको आक्रमणबाट कुनै अमेरिकी सैनिकको मृत्यु भएको रिपोर्ट आइनसकेको तर त्यहाँका भवनहरुमा अहिले खोजी भइरहेको अन्तर्राष्ट्रिय समाचार एजेन्सी एपीले जनाएको छ।
गत साता अमेरिकी राष्ट्रपति डोनाल्ड ट्रम्पको आदेशमा इरानका सबैभन्दा शक्तिशालीमध्ये जर्नेल कासिम सुलेमानी मारिएपछि वाशिंगटन र तेहरानबीच तनाव चुलिएकाे हो।
क्षेप्यास्त्र प्रहारपछि अमेरिकी राष्ट्रपतिले त्यहाँ भएको मानवीय तथा अन्य क्षतिको अध्ययन भइरहेको र त्यसको जवाफ छिटै दिने बताएका छन्।
‘हामीसँग संसारमैं सबैभन्दा शक्तिशाली र अत्याधुनिक सैन्यशक्ति छ, निकै नै बढी भोलि सबेरै म आफ्नो धारणा दिनेछु,’ ट्रम्पले ट्विटमा भनेका छन्।
— Donald J. Trump (@realDonaldTrump) January 8, 2020All is well! Missiles launched from Iran at two military bases located in Iraq. Assessment of casualties & damages taking place now. So far, so good! We have the most powerful and well equipped military anywhere in the world, by far! I will be making a statement tomorrow morning.
याे पनिः
इरानमा रहेका नेपाली भन्छन् : हामी यहाँ सुरक्षित छौं
प्रतिक्रिया