संविधान जारी भएको ७ वर्षमा ७ जना प्रधानमन्त्री फेरिए, देश अस्थिर बन्यो : ओली

नेकपा एमालेका अध्यक्ष केपी शर्मा ओलीले राजनीतिक अस्थिरताको अन्त्य गर्न सबै राजनीतिक दलहरु एक भएर सोच्नपर्ने बेला भएको बताएका छन्। 

प्रतिनिधिसभाको आजको बैठकमा विशेष समेत लिएर सम्बोधन गर्दै ओलीले ७ सालको राजनीतिक परिवर्तनपछि कुनैपनि सरकारले आफ्नो कार्यकाल पूरा गर्न नसकेको बताएका छन्। 

‘हामीले अस्थिरताको राजनीतिक प्रहार निरन्तर ब्यहोर्न परिरहेको छ। ७ सालको राजनीतिक परिवर्तनपछि कुनैपनि सरकारले ५ वर्षको कार्यकाल पूरा गर्न सकेनन्। १५ सालको पहिलो संसदीय निर्वाचनबाट निर्वाचित प्रधानमन्त्री पनि २ वर्ष पुग्न नपाउँदै थुनामा राखियो र लोकतन्त्र अपहरित गरियो’, ओलीले भने, ‘राजनीतिक अपेक्षा गरेको संविधान जारी भएको ७ वर्षभित्र ७ जना प्रधानमन्त्री फेरिए। हामीले राजनीतिक स्थायीत्वका साथ संविधान जारी गर्यौं तर वर्षमा एकजना प्रधानमन्त्री फेरियो। हाम्रो चाहना र खोजी स्थिरताको रहयो तर हाम्रो प्राप्ति अस्थिरता बन्यो।’

नयाँ बनेको सरकारबाट जनअपेक्षालाई पूरा गर्ने अठोटका साथ कार्य सुरु भएको उनले बताए। 

‘सत्तारुढ दलहरुको परिपक्व निर्णयले राजनीतिक दलप्रति आम जनताको विश्वास र भरोसा अझ मजबुद बनाउन ऊर्जा मिलेको छ। राष्ट्रिय जीवनका सबै क्षेत्रमा उत्साह संचालित भएको छ।’ उनले भने।