नेपाली कांग्रेसले केन्द्रीय कार्यसमिति बैठक अनिश्चितकालका लागि स्थगित गरेको छ।
सरकारबाट बाहिरिएपछि पहिलो पटक बस्न लागेको केन्द्रीय कार्यसमिति बैठक कांग्रेसले अनिश्चितकालका लागि स्थगित गरेको हो।
कांग्रेस केन्द्रीय कार्यालयका मुख्य सचिव कृष्णप्रसाद पौडेलले माघ १५ गते बस्ने भनिएको बैठक अर्को सूचना प्रकाशित नहुञ्जेलसम्मका लागि स्थगित गरिएको जानकारी दिए।
यसअघि गत पुस २२ का लागि बोलाइएको केन्द्रीय कार्यसमिति बैठक पुस २८ गतेका लागि सारिएको थियो। तर, अन्तिम समयमा उक्त बैठक माघ १५ का लागि तय गरिएको छ।
कांग्रेसले बैठकका लागि प्रतिनिधि सभा र प्रदेश सभा सदस्य निर्वाचन–२०७९ को समीक्षा, समसामयिक राजनीतिक सन्दर्भ र विविध गरी तीन वटा एजेन्डाहरु तय गरेको थियो।
111
Shares
प्रतिक्रिया