नेपाली कांग्रेसका सांसद अर्जुननरसिंह केसीले राष्ट्रपति भवन शीतल निवासले सांसदहरुप्रति अनौठो व्यवहार देखाएको भन्दै आपत्ति जनाएका छन्।
उनले सभामुख देवराज घिमिरेको शपथ ग्रहण समारोहमा शीतल निवासले सांसदहरुप्रति अनौठो व्यवहार देखाएको भन्दै आपत्ति जनाएका हुन्।
शीतल निवासले राजपत्रको १० औँ स्थानमा रहेका सांसदहरुलाई १३ औँ स्थानमा रहेका सचिवहरुभन्दा पछाडि राखेकोमा केसीले आपत्ति जनाएका हुन्।
‘सभामुख संसदको साझा संस्थाहो। सम्मानका लागि राष्ट्रपति भवनको शपथ ग्रहणमा उपस्थित भएँ। राजपत्रको दशौँ स्थानमा रहेका सांसदलाई तेह्रौँ स्थानका सचिवभन्दा पछिल्तिर राखेर राष्ट्रपति भवनले अनौठो व्यवहार देखायो,’ उनले लेखेका छन्, ‘के शीतल निवासलाई मर्यादासम्बन्धी न्यूनतम काइदा कानुन थाह नभएकै हो?’
1.2k
Shares
प्रतिक्रिया