युनिकोड
प्रधानमन्त्री पुष्पकमल दाहाल प्रचण्डले मागेको विश्वासको मतका लागि संसदमा मत विभाजन सुरु भएको छ।
सबै दलका नेताहरुले बोलिसकेर प्रधानमन्त्री दाहालले जवाफ दिएपछि प्रतिनिधिसभाका जेष्ठ सदस्य पशुपति शमशेर जबराले मतविभाजन प्रक्रिया अघि बढाएका हुन्।
मत विभाजनका क्रममा सांसदहरुले हुन्छ र हुन्न भन्ने मत दिन पाउने भएका छन्। त्यसका लागि उनीहरुले आ-आफ्नो लवीमा पसेर हस्ताक्षर गर्नेछन्।
हस्ताक्षरमार्फत मत विभाजन हुन लागेको हो। प्रधामन्त्री प्रचण्डलाई संसदका साना ठूला सबै दलका २७४ सांसदको समर्थन रहेको छ।
यदि यी सबै सांसदले मत दिएमा प्रचण्डलाई अहिलेसम्मकै धेरै सांसदहरुको साथ मिल्नेछ। यद्यपि उनलाई नेपाली कांग्रेसलेसमेत साथ दिएपछि राष्ट्रिय सहमतिसहितको सरकारको नेतृत्व मिलेको छ।
यसअघि गत पुस ११ गते नेकपा एमालेसहितका १६९ सांसदको समर्थनमा प्रचण्ड प्रधानमन्त्री बनेका थिए।
प्रतिक्रिया