युनिकोड
पुष्पकमल दाहाल प्रचण्ड नेतृत्वको सरकारले १३ पृष्ठको २० बुँदामा समेटिएको सरकारको नीतिगत प्राथमिकता र कार्यक्रम तयार पारेको छ।
शुक्रबार अन्तिम रुप दिइएको ड्राफ्टलाई शनिबार सत्ता गठबन्धनका शीर्ष नेतालाई बुझाउने तयारी छ।
नीतिगत प्राथमिकतामा नागरिकता, राज्यका निकायहरुको नीतिगत संरचनागत सुधार, लोकतन्त्र र गुणस्तरीय सेवा, दीगो विकास र अर्थतन्त्रको सवलीकरणलाई मुख्यरुपमा अगाडि बढाइएको छ।
नेपालखबरले प्राप्त गरेको प्राथमिकताको ड्राफ्टमा शिक्षामा सुधार र भौतिक पूर्वाधारको विकास, निरोगी नेपाल, स्वस्थ नागरिकको विषय उठाइएको छ।
प्रचण्ड सरकारको नीति तथा कार्यक्रम : अख्तियार र सतर्कता केन्द्रलाई थप शक्तिशाली बनाइँदै
ड्राफ्टलाई शीर्ष नेताहरुले संशोधन गर्न सक्ने सम्भावना छ।
नीतिगत प्राथमिकता र कायक्रम बनाउन उपप्रधान एवम् अर्थमन्त्री विष्णु पौडेलको संयोजकत्वमा माओवादीका उपमहासचिव वर्षमान पुन, राष्ट्रिय स्वतन्त्र पार्टीका प्रवक्ता डा. मुकुल ढकाल, जनता समाजवादी पार्टीका रकम चेम्जोङलगायतका नेताहरु थिए।
प्रतिक्रिया