युनिकोड
जनमत पार्टीले मधेश प्रदेशको संसदीय दलको नेता चयन गर्ने जिम्मा पार्टी अध्यक्ष डा. सीके राउतलाई दिएको छ।
पार्टीको जनकपुरधाममा मंगलबार बसेको संसदीय दलको बैठकमा सहमति नजुटेपछि दलको नेता छान्ने जिम्मा अध्यक्ष डा. राउतलाई दिने निर्णय भएको पार्टीका नेता तथा प्रदेशसभा सदस्य महेशकुमार यादवले बताए।
जनमत पार्टीमा संसदीय दलको नेता बन्न सञ्जय यादव, चन्दन सिंह, वसन्त कुशवाहा, सतिश सिंह, महेशकुमार यादवलगायत नेता आकांक्षी छन्। प्रदेशसभामा यस पार्टी १३ सिटसहित चौथो ठूलो दल बनेको छ।
मधेश प्रदेशसभामा दश राजनीतिक दलको प्रतिनिधित्व भएको छ। तर सरकार बनाउन कुनै दलको एकल बहुमत नहुँदा संयुक्त सरकार बन्ने आवस्था छ।
प्रतिक्रिया