युनिकोड
सप्तरी निर्वाचन क्षेत्र नम्बर–२ मा प्रतिनिधि सभातर्फ जनमत पार्टीका अध्यक्ष डा. सीके रातउले १४ हजारभन्दा धेरै मतको अग्रता लिएका छन्।
करिब ११ हजार मत गन्न बाँकी रहेको अवस्थामा त्यहाँ राउतले जनता समाजवादी पार्टीका अध्यक्ष उपेन्द्र यादवसँगको अग्रता १४ हजार ४९२ पुर्याएका हुन्।
ताजा अवस्थामा उनले २८ हजार ७४९ मत ल्याउँदा यादव १४ हजार २५७ मा समेटिएका छन्। यससँगै राउतले आफ्नो जित पक्का गरिसकेका छन्।
सत्ता गठबन्धनको साथ लिएर उठेका लोकतान्त्रिक समाजवादी पार्टी (लोसपा) का उम्मेदवार जयप्रकाश ठाकुर ५ हजार ८१७ मतमा समेटिएका छन्।
यहाँ प्रदेशसभा तर्फ सप्तरी २ को (क) मा जनमत पार्टीका सतिश कुमार सिंह २ को (ख) मा पनि जनमतकै महेश प्रसाद यादव विजयी भइसकेका छन्।
प्रतिक्रिया