काठमाडाैं-५ का प्रतिनिधि सभाका उम्मेदवार प्रदीप पौडेलका लागि रोबोटले घरदैलो गरेको छ।
स्वतस्फूर्त रुपमा युवा इन्जिनियरहरुले बनाएको रोबोटले काठमाडाैं ५ का महाराजगंज, वसुन्धरा, हाडीगाउँ लगायतका क्षेत्रमा बुधबार घरदैलो गर्दै कांग्रेसका युवा नेता पौडेलसहित प्रदेश सांसदका उम्मेदवारहरुका लागि भोट मागेको हो।
घरदैलोका क्रममा रोबोटले ‘नमस्कार सन्चै हुनुहुन्छ, म नेपाली रोबोट, यसपालीको काठमाण्डौं को ५ भोट, प्रदीप पौडेललाई’ भन्दै भोट मागेकी थिइन्।
प्रदीप पौडेल जस्ता युवा नेताको संसदमा उपस्थिति भएमा प्रविधिको विकास सहज हुने र प्रविधिमैत्री नीतिगत व्यवस्था हुने विश्वासका साथ राबोटको घरदैलो गरिएको सहभागी एक इन्जिनियर बताए।
प्रविधिमैत्री नेता पौडेलको रोबोटले घरदैलो गरे पश्चात मतदातामाझ थप चर्चामा आएका छन्।
Shares
प्रतिक्रिया