नेकपा एमालेले आगामी मंसिर ४ को चुनावलाई लक्षित गरेर तयार गरिएको घोषणा पत्र मंगलबार सार्वजनिक गर्ने भएको छ।
पार्टी केन्द्रीय सदस्य एवम् प्रचार र तथा प्रकाशन विभाग उपप्रमुख विष्णु रिजालले होटल याक एण्ड यतिमा दिउँसो साढे १ बजे घोषणा पत्र सावर्जनिक गर्ने कार्यक्रम रहेको बताएका छन्।
रिजालका अनुसार घोषणा पत्रको सार्वजनिकरण नयाँ ढंगले गरिनेछ। घोषणापत्र सार्वजनिक कार्यक्रममै सहभागीहरुले अध्यक्ष ओलीसँग 'लाइभ डिबेट' पनि गर्न पाउने भएका छन्।
यसअघि नेपाली कांग्रेस, नेकपा माओवादी केन्द्र, नेकपा एकीकृत समाजवादी, राष्ट्रिय प्रजातन्त्र पार्टी र नेपाल समाजवादी पार्टीले चुनावलक्षित घोषणा पत्र ल्याइसकेका छन्।
135
Shares
प्रतिक्रिया