संविधान दिवसका अवसरमा भारतको नयाँदिल्लीस्थित नेपाली दूतावासले सोमबार साँझ आयोजना गरेको कार्यक्रममा भारतीय विदेश राज्यमन्त्रीद्वय वी मुरलीधरन र मिनाक्षी लेखी सहभागी भएका छन्।
कार्यक्रममा बोल्दै विदेश राज्यमन्त्री मुरलीधरनले नेपाल र भारतबीचको सम्बन्ध मौलिक र जनताको तहमा भिजेको बताए। उनले नेपालको संविधान दिवसमा नेपाली जनता र सरकारलाई शुभेच्छा पनि प्रकट गरे।
त्यसैगरी सत्तारुढ भारतीय जनता पार्टीका विदेश विभाग प्रमुख विजय चौथाइवाले पनि उक्त कार्यक्रममा सहभागी भए। उनले भाजपाका अध्यक्ष जेपी नड्डाले प्रधानमन्त्री शेर बहादुर देउवालाई लेखेको पत्र पनि हस्तान्तरण गरे।
नेपाली राजदूत डा शंकर शर्माले सहभागीलाई स्वागत गर्दै नेपालको संविधान दिवसको महत्त्वबारे प्रकाश पारेका थिए।
भारतस्थित प्रवासी नेपाली समुदाय, स्थानीय सञ्चारमाध्यमका प्रतिनिधि र दूतावासका अधिकारी सहभागी भए।
Shares
प्रतिक्रिया