युनिकोड
नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले मंगलबार बाग्लुङमा भएको जिप दुर्घटनाप्रति दुःख व्यक्त गरेका छन्।
गुल्मी र बाग्लुङ जिल्लाको सिमानामा पर्ने बडीगाड गाउँपालिका–७ भिमगिठे नजिकै भएको दुर्घटनामा परी १४ जनाको निधन हुनुका साथै तीन जना घाइते र एक बेपत्ता भएका छन्। अध्यक्ष प्रचण्डले विज्ञप्ति प्रकासित गरी सो खबरले आफू अत्यन्तै मर्माहत भएको जनाएका छन्।
देशका विभिन्न भागमा हुने यस प्रकारका सवारी दुर्घटनाहरु नेपाली सडकको दूरावस्था, पुराना सवारी साधनको प्रयोग र सवारी सञ्चालनमा देखिएको हेलचेक्राइ समेतका कारण रहेको भन्दै सवारी दुर्घटनालाई न्यूनीकरण गर्न आवश्यक पहलका लागि सम्बन्धित क्षेत्रको विशेष ध्यान जान जरुरी रहेको प्रचण्डले उल्लेख गरेका छन्।
अध्यक्ष प्रचण्डको विज्ञप्तिमा दुर्घटनामा निधन भएकाहरुका परिवारजनका लागि उचित क्षतिपूर्तिका साथै बेपत्ताको खोजी र घाइतेहरुको निःशुल्क स्वास्थ्योपचारका लागि सरकारसँग माग गरिएको छ।
प्रतिक्रिया