युनिकोड
नेकपाका अध्यक्ष पुष्पकमल दाहाल प्रचण्ड निर्वाचित चितवन क्षेत्र नम्बर ३ को एउटा वडासहित जिल्लाका तीनवटै वडामा कांग्रेस उम्मेदवार विजयी भएका छन्।
अघिल्लो निर्वाचनमा विजयी भएको वडासमेत उपनिर्वाचनमा नेकपाले गुमाएको छ। भरतपुर महानगरपालिका–१६ उपनिर्वाचनमा नेकपाले गुमाएको हो।
भरतपुर १६ मा कांग्रेसका अमृत हमालसँग नेकपाका उम्मेदवार भक्तराज हमाल पराजित भएका छन्।
त्यसैगरी खैरहनी नगरपालिका ४ र ५ मा पनि कांग्रेसका उम्मेदवार नै विजयी भएका छन्।
खैरहनी–४ मा कांग्रेसका देवबहादुर बस्नेतसँग नेकपाका बेदबहादुर अधिकारी पराजित भएका हुन् भने खैरहनी–५ मा कांग्रेसकी उम्मेदवार प्रतिमा कार्कीसँग नेकपाका पुननारायण प्रधान पराजित भएका हुन्।
यी दुबै वडा अघिल्लो स्थानीय तहको निर्वाचनमा पनि कांग्रेस उम्मेदवार नै विजयी भएका थिए।
प्रतिक्रिया