उपनिर्वाचन अन्तर्गत भक्तपुर निर्वाचन क्षेत्र नम्बर १ ‘क’ को प्रदेशसभा सदस्यमा कांग्रेसका कृष्णलाल भडेलले अग्रता लिएका छन्।
अहिलेसम्मको मतगणना अनुसार भडेलले ९ हजार ९५ मत प्राप्त गरेका भने नेकपाका डिपी ढकालले ६ हजार ७ सय ८३ मत प्राप्त गरेका छन्।
नेकपा उम्मेदवारलाई कांग्रेस उम्मेदवारले २३१२ मतले लिड गरिरहेका छन्।
नेमकिपाका निरज लवजुले २ हजार ६४, राप्रपा नेपालका श्यामप्रसाद नेपालले २ सय ९४, साझा पार्टीका उम्मेदवार सुरज प्रधानले २ सय ४८ मत पाएका छन्।
कुल मतदाता ४५ हजार १५ रहेको यस क्षेत्रमा ३१ हजार ६ सय ८२ मत खसेको निर्वाचन कार्यालयले जनाएको छ।
अघिल्लो निर्वाचनमा यो क्षेत्रमा एमालेका हरिशरण लामिछाने निर्वाचित भएका थिए। उनको निधनपछि यहाँ उपनिर्वाचन भएको हो।
प्रतिक्रिया