युनिकोड
सत्तारुढ नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले नेपाली कांग्रेसका सभापति एवं प्रधानमन्त्री शेरबहादुर देउवालाई फागुन २ का लागि तोकिएको प्रतिनिधि सभाकाे बैठक सार्न आग्रह गरेका छन्।
शनिबार बालुवाटारमा तीन शीर्ष नेताबीच भएको छलफलमा नेताद्वय प्रचण्ड र नेपालले प्रधानमन्त्री देउवालाई फागुन २ गते प्रमुख प्रतिपक्ष दल एमाले उपस्थित हुन नसक्ने भएकाले संसद् बैठक फागुन ४ गते राख्न सुझाव दिएका हुन्।
प्रचण्डकी छोरीसमेत रहेकी स्वकीय सचिव गंगा दाहालले भनेकी छन्, ‘प्रधानमन्त्री निवास बालुवाटारमा तीन शीर्ष नेताबीच भएको भेटवार्ताका क्रममा २ गते (फागुन) हुने भनिएको संसद अधिवेशन प्रमुख प्रतिपक्ष दल एमाले २ गते उपस्थित हुन नसक्ने र संसद सार्न गरेको अनुरोधको कारण अध्यक्षद्वयले फागुन ४ गते राख्न सुझाव दिनुभएको छ।’
यो पनि : बालुवाटार वार्ता : एमसीसीबारे देउवाको प्रस्ताव प्रचण्ड–नेपालद्वारा अस्वीकार
प्रतिक्रिया