कञ्चनपुरमा सभापति, उपसभापति र सचिव महाधिवेशन प्रतिनिधिमा पराजित

नेपाली कांग्रेस कञ्चनपुरका तीन पदाधिकारी महाधिवेशन प्रतिनिधिमा पराजित भएका छन्। 

मंगलबार सम्पन्न प्रतिनिधि सभा क्षेत्रीय अधिवेशन अन्तर्गत सभापति हरिप्रसाद बोहरा, उपसभापति बन्धु राना र सचिव ईश्वरीप्रसाद जोशी महाधिवेशन प्रतिनिधिमा पराजित भएका हुन्। 

सभापति बोहरा कञ्चनपुर–२, उपसभापति राना कञ्चनपुर–१ र सचिव जोशी कञ्चनपुर–३ बाट महाधिवेशन प्रतिनिधिका उम्मेदवार थिए। 

उनीहरु तीनै जना केन्द्रीय सदस्य रमेश लेखकको प्यानलबाट चुनावी प्रतिष्पर्धामा होमिएका थिए। 

लेखक निकटको प्यानल बनाउन महत्वपूर्ण भूमिकामा रहेका जोशी जिल्ला सचिवमा मनोनित हुनुअघि उनका स्वकीय सचिव थिए।