प्रधानमन्त्रीसमेत रहेका पार्टी सभापति शेरबहादुर देउवाको गृहजिल्ला डडेल्धुरामा तीव्र विवादका नेपाली कांग्रेसको जिल्ला अधिवेशन सम्पन्न गरिएको छ।
सातौं जिल्ला अधिवेशनअन्तर्गत सोमबार भएको निर्वाचनबाट भीमबहादुर साउद जिल्ला सभापति चयन भएका छन्।
कांग्रेस निर्वाचन समितिका अनुसार साउद ७३४ मत ल्याएर जिल्ला सभापतिमा विजयी भएका हुन्। उनका प्रतिद्वन्द्वी चूडामणि ठकुराठीले ७६ मत मात्र पाए। कूल ८८४ मतदातामध्ये ८३४ मत खसेको थियो।
विजयी साउद परशुराम नगरपालिकाका मेयर पनि हुन्। दुवै उम्मेदवार संस्थापन अर्थात् देउवा पक्षका हुन्।
संस्थापन इतरको विरोध हुँदाहुँदै सभापति देउवाको गृहजिल्लामा एकपक्षीय अधिवेशन गरिएको हो। साविक जिल्ला सभापति कर्णबहादुर मल्लको पक्षले वडा तहदेखिका सबै अधिवेशन बदर गरी पुनः गर्न माग गर्दै कांग्रेसको केन्द्रीय कार्यालय (सानेपा) मा अनशन गरिरहेको छ।
यी पनि :
देउवाको गृहजिल्लामा जारी अधिवेशन अवैध भएको भन्दै रोक्न उजुरी
Shares
प्रतिक्रिया