युनिकोड
तालिबानी हमलाका कारण धैरै दिनदेखि हिंसाग्रस्त अफगानिस्तानमा रहेका नेपालीलाई स्वदेश फर्काउन कुनै पहल नगरेको भन्दै प्रतिपक्षी दल नेकपा एमालेका विदेश विभाग प्रमुख डा. राजन भट्टराईले सरकारको आलोचना गरेका छन्।
अन्य मुलुकले अफगनानिस्तानमा रहेका आफ्ना नागरिक फर्काउन थालिसक्दा पनि नेपाल सरकार भने अहिलेसम्म पहल पनि नगरेर गैरजिम्मेवार बनेको डा. भट्टराईको टिप्पणी छ।
एमाले अध्यक्ष केपी शर्मा ओली प्रधानमन्त्री रहेका बेला परराष्ट्र मामिला सल्लाहकारसमेत रहेका डा. भट्टराईले आइतबार बिहान भनेका छन्, ‘संसदमा विपक्षीका तर्फबाट विषय उठाइएको पनि धेरै दिन भइसक्यो। तर पनि सरकार अफगानिस्तानमा रहेका आफ्ना नागरिक फर्काउन कुनै पहल गरिराखेको छैन।’
उनले अगाडि आक्रोश पोखेका छन्, ‘लोकतन्त्रमा सरकार यति गैरजिम्मेदार र अनुत्तरदायी हुन मिल्छ? कि परमादेशबाट आएकालाई मिल्छ?’
प्रतिक्रिया