नेकपा एमालेका नेता एवं लुम्बिनी प्रदेशका मुख्यमन्त्री शंकर पोखरेलले माधव नेपाल पक्षलाई पार्टीमा एक गराउन ३ महिनादेखि गरिएको प्रयास खेर गएको बताएका छन्।
ओलीनिकट नेता पोखरेलले वरिष्ठ नेता माधव नेपालले कार्यदलको प्रतिवेदनमा असहमति जनाएसँगै एकता प्रयास विफल भएको बताएका हुन्।
ललितपुरको च्यासलमा एमाले स्थायी कमिटीको बैठक जारी रहेका बेला नेता पोखरेलले आइतबार दिउँसो सामाजिक सञ्जालमा लेखेका छन्, ‘माधव नेपालले कार्यदलको प्रतिवेदनमा असहमति जनाएसँगै तीन महिनाको मेहनत खेर गयो।’
एमाले एकता पहलका लागि गठित कार्यदलले गत असार २७ गते १० बुँदे सहमति गरेको थियो। शुक्रबार बसेको एमाले स्थायी कमिटीको बैठकले त्यसलाई अनुमोदन गर्दै कार्यदल विघटन गरिसकेको छ।
84
Shares
प्रतिक्रिया