युनिकोड
भदौ २४ गतेको विध्वंशमा सर्वोच्च अदालतसँग त्यसैको परिसरभित्र रहेको नेपाल बार एसोसिएसनको भवन पनि निशाना बन्यो।
ढुंगामुढा र तोडफोडसँगै आगजनी पनि गरियो। बार भवनको अधिकांश भाग क्षतिग्रस्त छ। कोठाहरू क्षत-विक्षत् छन्।
सबैभन्दा आश्चर्य र रहस्यको विषय त के छ भने यहाँ तोपका गोलाहरू पनि भेटिएका छन्। बार भवनमा कसले किन आक्रमण गर्यो र तोपका गोला कहाँबाट आए भनेर बार पदाधिकारीहरूले पनि भेउ पाउन सकिरहेका छैनन्।
बार महासचिव एवं वरिष्ठ अधिवक्ता केदारप्रसाद कोइराला भन्छन्, ‘बार जहिले पनि लोकतन्त्र, मानव अधिकार र शान्तिपूर्ण प्रदर्शन गर्न पाउने हकका पक्षमा उभिँदै आएको संस्था हो। यसलाई किन तारो बनाइयो? तोपका गोला र अरू हतियारहरू पनि कहाँबाट आए? आश्चर्यजनक छ।’
प्रतिक्रिया