झिलिमिली सहर, शान्त सडक (तस्बिरहरू)

यतिबेला तिहारको रौनक छाएको छ। गाउँ सहर सबैतिर झिलिमिली छ। सरसफाई, बत्ती, फूलमाला र देउसी भैलोले वातावरण मन्त्रमुग्ध बनेको छ।

सरकारी तथा गैरसरकारी कार्यालयमा केही दिनको बिदाका कारण मानिसहरू कामबाट फुर्सदिला बनेका छन्।

फुर्सदको समयमा आ–आफ्नो इच्छाका काममा लाग्ने, देउसी भैलो खेल्ने, साथीभाइसँग भेटघाट तथा घुमफिरको योजना बनाइरहेका छन्।

सधैँ चापाचाप हुने काठमाडौंका सडक यतिबेला सामान्य गतिमा चलिरहेका छन्। सरकारी कार्यालय, स्कुल, कलेज बन्द भएका कारण मानिसहरूलाई समयमै नपुग नहुने धपेडी छैन। त्यसकारण सडकले पनि केही आराम पाएजस्तो देखिन्छ।

त्यसमाथि घर, पसल वा व्यापारिक कम्ल्पेक्सहरूमा देउसीभैलो, बत्ती, फूलमाला र रंगहरूले सडकलाई अझै शोभायमान बनाइरहेका छन्।