युनिकोड
नवप्रवेशी चर्च ब्वाइज पहिलो सिजनमै ए डिभिजन लिग च्याम्पियन भएको छ।
सी डिभिजन र बी डिभिजन लिगसमेत जितेको चर्च ब्वाइजले पहिलो सिजनमै लिग उपाधि पक्का गरेको हो।
नवप्रवेशी चर्च ब्वाइज युनाइटेड क्लबले एक खेलअगावै सहिद स्मारक ए डिभिजन लिगको उपाधि जितेको छ।
मंगलबार भएको २५ औँ राउन्डको खेलमा थ्रीस्टार क्लबसँग गोलरहित बराबरी खेल्दै चर्च ब्वाइज सहभागिताको पहिलो सिजनमै लिग च्याम्पियन बन्न सफल भएको हो।
दशरथ रंगशालामा भएको खेलमा अंक बाँडेसँगै चर्च ब्वाइजका खेलाडी र पदाधिकारीहरुले खुसी साटेका थिए।
यसअघि मनाङ मर्स्याङ्दी क्लबले २०४३ सालमा पहिलो सहभागितामै लिगको उपाधि उचालेको थियो।
घरेलु फुटबलमा ३७ वर्षयता कुनै पनि क्लबले पहिलो सहभागितामा लिग जितेको यो पहिलो पटक हो।
चर्च ब्वाइज अघिल्लो सिजन बी डिभिजन लिग च्याम्पियन हुँदै ए डिभिजनमा उक्लिएको थियो।
प्रतिक्रिया