त्रिकोणात्मक टी-ट्वान्टी अन्तर्राष्ट्रिय सिरिजमा घरेलु टोली नेपालले लगातार दोस्रो जित दर्ता गराउन सफल भएको छ।
यो जितसँगै नेपालले सिरिजको फाइनल पुग्ने सम्भावनालाई बलियो बनाएको छ।
त्रिवि क्रिकेट मैदानमा बुधबार भएको खेलमा मलेसियालाई ६ विकेटले पराजित गर्दै नेपालले सिरिजको फाइनल सम्भावना बलियो बनाएको हो।
मलेसियाले पहिले ब्याटिङ गरेर दिएको १ सय १५ रनको लक्ष्य पछ्याएको नेपालले १३ ओभर ४ बलमै ४ विकेट गुमाउँदै नतिजा आफ्नो पक्षमा पार्यो।
नेपाललाई जिताउने क्रममा आसिफ शेखले ५७ रन शानदार पारी खेले। शेखले ३८ बलमा ७ चौका र १ छक्का पनि हाने।
नेपालले खराब सुरुवात गरे पनि आसिफले नै सम्हाले। २५ रनमै २ विकेट गुमाएपछि लड्खडाएको नेपाललाई शेखले नै जितको हकदार बनाए।
उनले दीपेन्द्र सिंह ऐरीसँग मिलेर ७० रनको साझेदारी गरे। नेपालका लागि दीपेन्द्रले २१ रन बनाए। रोहित पौडेलले १२ रनको योगदान दिए। डेब्यु गरेका दिलीप नाथले १५ रन बनाउन सफल भए।
Shares
प्रतिक्रिया