‘नर्सलाई ५ हजारमै काम लगाउनुको कारण यस्तो छ’

न्यून ज्याला र बेरोजगारीले थलिएको नेपाल नर्सिङ संघको नेतृत्व हालै मनकुमारी राईले पाएकी छन्।

देशभरका ९० हजार नर्सको नेतृत्व गर्ने नर्सिङ संघकी अध्यक्ष राईसँगको संवाद आज माघ ५ गते प्रकाशित नेपाल साप्ताहिकमा छापिएको छ :

नर्सका तलब, सुविधालगायत समस्या सम्बोधन गर्ने तपाईंको योजना के छ?
निजी अस्पतालमा नर्सलाई दिने पारिश्रमिकमा एकरूपता छैन। मैले औपचारिक रूपमा अध्यक्षको कार्यभार सम्हालेपछि स्वास्थ्य र श्रम मन्त्रालयमा गएर समस्याबारे बुझाउँछु। दुवै मन्त्रालयको सहकार्यमा जागरुकता ल्याउने र नियमन गर्ने गरी काम हुन्छ। सरकारले तोकेको न्यूनतम पारिश्रमिक १७ हजार रुपैयाँ पाउनुपर्छ। अहिले त नर्सलाई ५ हजारमा काम लगाइएको छ।

कम सुविधामा लगाउनुको कारण के हो?
विश्व स्वास्थ्य संगठनलेको मापदण्डअनुसार बिरामी र नर्सको अनुपात मिलेको छैन। जस्तो, आईसीयूमा एक नर्स बराबर एक बिरामी हुनुपर्छ तर व्यवहारमा त्यस्तो छैन। अर्का नर्सको मागभन्दा उत्पादन बढी ज्यादै बढी भएकाले न्यून सुविधामै काम गर्नुपर्ने बाध्यता छ।