युनिकोड
विशेष अदालतले न्युरोडस्थित विशाल बजार कम्पनीमा १० करोड रुपैयाँ भ्रष्टाचार भएको ठहर गरेको छ।
भाडा र बिल विनाको खर्चमा अनियमितता ठहर गर्दै विशेष अदालतले अध्यक्ष रवीन्द्रलाल श्रेष्ठ र सदस्यहरुलाई जरिबाना तथा कैद हुने फैसला गरेको खबर आजको कान्तिपुर दैनिकमा कृष्ण ज्ञवालीले लेखेका छन्।
विशेष अदालतको फैसलामा कम्पनीका सञ्चालकहरुबाट विशाल बजारलाई ९ करोड ७४ लाख ८० हजार रुपैयाँ नोक्सानी भएको उल्लेख छ।
अदालतले तत्कालिन अध्यक्ष रवीन्द्रलाल श्रेष्ठ र सदस्य अशोकजीव तुलाधरलाई दुई दुई वर्ष, कम्पनीका प्रमोदकुमार अग्रवाल र विजयकुमार बानियाँलाई डेढ डेढ वर्ष, वासुदेव विष्ट, गौतमलाल श्रेष्ठ र निर्मलकुमार धानुकलाई एक एक वर्ष र प्रत्येकलाई एक करोड २१ लाख ८५ हजार बिगो र त्यति नै जरिवाना हुने फैसला गरेको छ।
प्रतिक्रिया