युनिकोड
रौतहटको तीनवटा वडामा मतदान भइरहेको छ।
रौतहटको ईशनाथ नगरपालिका वडा नम्बर ७, राजपुर नगरपालिका वडा नम्बर ६ र गढीमाई नगरपालिका वडा नम्बर ८ को वडा अध्यक्षका पदका लागि मतदान भइरहेको हो।
जिल्ला निर्वाचन अधिकारी छोटेलाल दासका अनुसार रौतहटमा दिउँसो १ बजेसम्म झन्डै ६० प्रतिशत मत खसिसकेको छ।
मतदाताले एक जना मात्रै जनप्रतिनिधिका लागि मत खसाल्नुपर्ने भएकाले मतदान छिटो भएको जिल्ला निर्वाचन अधिकारी दासले बताए।
रौतहटको गढीमाई नगरपालिका वडा नम्बर ८ मा २७ सय ५१ मतदाता रहेका छन्। यस्तै, ईशनाथ नगरपालिका वडा नम्बर ७ मा २७ सय ७ र राजपुर नगरपालिका वडा नम्बर ६ मा २५ सय ६६ मतदाता रहेका छन् ।
जिल्ला निर्वाचन अधिकारी दासका अनुसार बेलुका ६ बजको लागि सर्वदलीय बैठक राखिएको छ। ५ बजे सबै वडाको मतदान सकिएपछि ६ बजे सर्वदलीय बैठक राख्ने र ८ बजेबाट मत गणना सुरु गरिने उनले जानकारी दिए।
कुनै विवाद नभएमा राति १२ बजेसम्ममा नतिजा आइसक्ने उनको भनाइ छ।
प्रतिक्रिया