युनिकोड
सर्लाहीका तीनवटा नगरपालिकाले सोनाम ल्होसारको अवसरमा दुई दिन सार्वजनिक बिदा दिएका छन्।
हरिवन, बागमती र लालबन्दी नगरपालिकाले माघ ८ र ९ गते सार्वजनिक बिदा दिएका छन्।
तामाङ समुदायले मनाउने सोनाम ल्होसारको अवसरमा सरकारले माघ ८ गते आइतबार एक दिन मात्रै सार्वजनिक बिदा दिएको छ।
तामाङ समुदायको बाहुल्यता रहेको हरिवन, बागमती र लालबन्दी नगरपालिकाले भने ल्होसारको भोलिपल्ट पनि बिदा दिएका हुन्।
तीन वटै नगरपालिकाले शुक्रबार सूचना जारी गर्दै माघ ९ गते (सोमबार) पनि नगर क्षेत्रमा सार्वजनिक बिदा दिएका हुन्। बिदाको दिन नगरपालिकासँगै मातहतका वडा कार्यालय, विद्यालयलगायतका संस्था बन्द रहने छन्।
प्रतिक्रिया