युनिकोड
सर्लाही प्रहरीले सुर्ती, मदिरा लगायतका सामानसहित बरामद गरेको तीनवटा मोटरसाइकल भन्सार कार्यालयमा बुझाएको छ।
बुधबार प्रहरीले मलंगवा नगरपालिका ९ र १० स्थित नेपाल भारत सीमा क्षेत्रबाट मदिरा, सुर्ती, सुजी, सखरसहित तीनवटा मोटरसाइकल बरामद गरेको थियो।
भारतबाट अवैध ढंगल सामान लिएर आइरहेका मोटरसाइकल र त्यसका दुईजना चालकलाईसमेत नियन्त्रणमा लिएर जिल्ला भन्सार कार्यालय मलंगवामा बुझाइएको प्रहरीले जनाएको छ।
मलंगवा १० स्थित नेपाल भारत सीमा क्षेत्रबाट दुईवटा भारतीय र मलंगवा ९ स्थित सीमा नाकाबाट बा ९३ प ८३९८ नम्बरको मोटरसाइकल बरामद गरिएको हो।
मोटरसाइकल बाहेक बरामद सामानको भन्सार मूल्य साढे तीन लाख रुपैयाँ कायम गरी भन्सार कार्यालयमा बुझाइएको प्रहरीले जनाएको छ।
प्रतिक्रिया