कपिलवस्तुमा दम्पत्तिलाई बाढीले बगाएको छ। जिल्लाको वाणगंगा नगरपालिका वडा नम्बर ९ वर्गदामा कोइली नदीले बगाउँदा श्रीमतीको मृत्यु भएको छ। श्रीमान अझै बेपत्ता भएका छन्।
खोला तर्ने क्रममा वाणगंगा ७ निवासी ३६ वर्षीय दिलकुमार सुनार, उनकी श्रीमती २६ वर्षीया राममाया सुनार र १२ वर्षीय छोरा निरज सुनारलाई खोलाले बगाएको थियो। निरजको तत्काल सकुशल उद्धार भएको थियो। दुई जनालाई बगाएको थियो।
श्रीमती राममाया सुनारको शव बगेको ठाउँभन्दा एक किलोमिटर तल भेटिएको छ। दिलकुमार अझै बेपत्ता भएको कपिलवस्तुका प्रहरी प्रवक्ता डीएसपी जेसी शाहले बताए। दिलकुमारको खोजीकार्य भइरहेको उनले जानकारी दिए।
विहानै घरबाट जंगलमा निगुरो टिप्न गएकोमा फर्केर आउँदा नदीले उनीहरुलाई बगाएको हो।
24
Shares
प्रतिक्रिया