NepalKhabar NepalKhabar

साहित्य


‘माधवी ओ माधवी’ ‘लिएर आए ‘मोक्षभूमि’ का केशव दाहाल

‘माधवी ओ माधवी’ ‘लिएर आए ‘मोक्षभूमि’ का केशव दाहाल

नेपालखबर
असोज ७ , काठमाडौँ

‘मोक्षभूमि’ मार्फत नेपाली साहित्यमा नवीन स्वाद पस्किएका लेखक केशव दाहाल गैर–आख्यानकृति लिएर आएका छन्। किताब पब्लिसर्सले छापेको उनका गैरआख्यान निबन्ध लेखनको संगालो— ‘माधवी ओ माधवी’ शुक्रबार विमोचन गरिएको छ।

‘नयाँ शैलीमा लेखिएको यो पुस्तक एक लेखकले विभिन्न समय र कोणबाट देखेको नेपाली समाज, यहाँको मनोविज्ञान र राजनीतिका घुम्तीहरुको वृत्तान्त हो,’ किताब पब्लिसर्सले भनेको छ, ‘गैर–आख्यानात्मक भइकन पनि आख्यानको स्वाद पाइनु माधवी ओ माधवीको विशेषता हो।’ 

‘माधवी ओ माधवीमा मैले एउटा आँखीझ्याल बनाएको छु, जसबाट मेरो पुस्ताको समय, भावधारा र जीवनको ईन्द्रेणीलाई चियाउन सकिन्छ,’ विमोचन कार्यक्रममा बोल्दै लेखक केशव दाहालले भने।

किताबमा केही प्रकाशित र केही अप्रकाशित सामग्रीहरु रहेको उल्लेख गर्दै उनले भने, ‘‘प्रकाशित सामग्रीलाई पनि मैले मसिनो गरी नयाँ रंगले सजाएको छु र ताजा बनाएको छु।’

विभिन्न समयमा लेखिएका यी निबन्धहरुमा लेखकले तत्कालीन समय र सन्दर्भलाई मसिनोसँग केलाएका छन्। कतै उनी नितान्त निजात्मक अनुभूतीहरुमा पोखिएका छन्, जहाँ पारिवारिक दुर्घटनाको फलकबाट तत्कालीन सत्ताको क्रुर तस्वीर पनि देखिन्छ। कतै उनी राजनीतिका पेचिला प्रश्नहरुमा डुबेका छन्, जहाँ वैयक्तिक सहभागिताको फलकबाट नेपाली राजनीतिका दुर्घटनाहरु भेटिन्छन्। कतै भने उनले आफ्ना कल्पनालाई पखेटा हालिदिएका छन्, जहाँ समयका सीमाहरु भत्किएका पाइन्छन्।

शुक्रबार शिल्पी थिएटरमा आयोजित कार्यक्रममा लेखक दाहालसँग साहित्यकार उमा सुवेदीले अन्तरसंवाद गरेकी थिइन्।

लेखक कुमार नगरकोटीले आफ्ना थुप्रै छोटा–मिठा–आकर्षक प्रयोगात्मक कविताहरु वाचन गरेर कार्यक्रमलाई रोचक बनाएका थिए, जसमध्ये एउटा थियोः ‘म देवकोटाको पागल पोएट्री हुँ, मन–मस्तिष्कको हिस्टोरिकल मिष्ट्री हुँ।’

कार्यक्रममा रंगकर्मी घिमिरे युवराजले ‘माधवी ओ माधवी’माथि टिप्पणी गरेका थिए। ‘व्यक्तिको विचार वा विश्वासको निर्माणमा ऊ बसेको समाजको सांस्कृतिक, सामाजिक, राजनीतिक र आर्थिक परिस्थितीले कसरी निर्धारण गर्छ भन्ने कुरा केशवका केही रचनाले मिहिन र कलात्मक ढंगले वैचारिकी प्रस्तुत गरेका छन्,’ रंगकर्मी घिमिरेले टिप्पणी गरे।

किताब पब्लिसर्सका अनुसार, फरकफरक स्वादका २३ ओटा निबन्धहरुको संकलन ‘माधवी ओ माधवी’ विगत यात्राको वृत्तान्तमात्र होइन, वर्तमानको सुक्ष्म चित्रण पनि हो। र, हो सुन्दर भविष्यको सपना पनि। यो केवल वृत्तान्त मात्र होइन, निर्मम समीक्षाको संग्रह पनि हो। र, वस्तुपरक विश्लेषणहरु पनि।

विभिन्न बान्की र सन्दर्भका निर्बन्ध लेखनमा लेखक दाहालले खासमा आफू, आफ्नो परिवेश र समयलाई उजिल्याएका छन्। 

असोज ७, २०७९, शुक्रबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.