युनिकोड
पाँचथरको कुम्मायक गाउँपालिका ३ कात्तिके डाँडाबाट पहिराेमा बोलेरो दुर्घटना हुँदा ६ जनाकाे मृत्यु भएको छ।
६ जना घाइतेलाई उद्धार गरी धरान पठाइएको जिल्ला प्रहरी कार्यालय, पाँचथरले जनाएको छ।
ताप्लेजुङबाट धरान तर्फ जाँदै गरेको मे१ज ३०५५ नम्बरको बोलेरो गाडी दिउँसो दुर्घटना भएको थियो।
दुर्घटनापछि स्थानीय र प्रहरीको सहयोगमा ६ जनालाई तत्काल उद्धार गरी धरानस्थित बीपी कोइराला स्वास्थ्य विज्ञान प्रतिष्ठान पठाइएको जिल्ला प्रहरी कार्यालय पाँचथरका प्रमुख डीएसपी अनिशकुमार कर्णले जानकारी दिए।
दुर्घटनामा ६ जनाकाे मृत्यु पुष्टि भएको प्रहरीले जनाएको छ। घटनास्थलबाट शव निकाल्ने काम भइरहेकाे कर्णले बताए। उनका अनुसार, अहिले शव बाेक्ने काम भइरहेको छ, मृतकको पहिचान खुलेको छैन। बाेलेराे सडकबाट ५ सय मिटर तल खसेको थियाे।
प्रतिक्रिया