युनिकोड
अमेरिकाबाट विभिन्न देश हुँदै अवैध रूपमा नेपाल प्रवेश गरेका भुटानी शरणार्थीहरूलाई प्रहरीले नियन्त्रणमा लिएको छ।
शनिबार करिब २ बजेको समयमा उनीहरूलाई प्रहरीले नियन्त्रणमा लिएको हो। प्रहरीले विशेष सूचनाको आधारमा प्रहरी टोलीले झापाको दमक नगरपालिका वडा नं. ३ स्थित बेलडाँगी शिविरमा बसिरहेका तीन जनालाई नियन्त्रणमा लिएको जिल्ला प्रहरी कार्यालय झापाले जनाएको छ।
नियन्त्रणमा लिइएकाहरूमा ३६ वर्षीय आशिष सुबेदी, ३१ वर्षीय सन्तोष दर्जी र ३६ वर्षीय रोशन तामाङ रहेको झापा प्रहरीले जनाएको छ।
उनीहरू शुक्रबार उक्त शिविरमा आइपुगेका थिए। प्रहरीले नियन्त्रणमा लिइएका व्यक्तिहरूलाई थप अनुसन्धान र कारबाहीका लागि अध्यागमन कार्यालय काँकडभिट्टामा पठाइएको प्रहरीले जनाएको छ।
पक्राउ परेका तिनै जना अमेरिकाबाट डिपोट गरिएका व्यक्ति भएको हुनसक्ने भएकोले अध्यागमनको जिम्मा लगाएको प्रहरीको भनाई छ।
प्रतिक्रिया