प्रदेश १ को प्रदेश सभा बैठकमा ‘किरात लिम्बूवान सगरमाथा’ नामाकरण गर्ने प्रस्ताव अस्वीकृत भएको छ।
नेकपा (एमाले)का राम रानाले प्रस्ताव गरेको कोशी प्रदेश बहुमतले पारित भएपछि किरात लिम्बूवान र सगरमाथा प्रदेशको प्रस्ताव अस्वीकृत भएको हो।
कोशी प्रदेश नामाकरणको प्रस्ताव एमाले, माओवादी केन्द्र र कांग्रेसको समर्थन रहेको छ।
नेकपा (एमाले) र नेपाली कांग्रेसले संयुत्तरुपमा प्रदेशको नाम कोशी राख्नु पर्ने प्रस्ताव प्रदेश सभासमक्ष दर्ता गराएका थिए।
एमालेका रामकुमार राना प्रस्तावक थिए भने एमालेकै निरन राई र कांग्रेसका संसद भूमि राजवंशीले समर्थन गरेका छन्।
त्यसैगरी ‘किरात–लिम्बुवान–सगरमाथा’ प्रदेश नामाकरण गर्नुपर्ने भन्दै अर्को प्रस्ताव दर्ता भएको थियो।
नेकपा (एकीकृत समाजवादी) का सांसद तथा पूर्व मुख्यमन्त्री राजेन्द्रकुमार राईको प्रस्ताव र जसपाकी सांसद तथा मन्त्री निर्मला लिम्बूको समर्थनमा उक्त प्रस्ताव दर्ता भएका थिए।
प्रतिक्रिया