कर्णालीमा संसदीय समितिका सभापति चयन

कर्णाली प्रदेशसभाका विषयगत चार वटा समितिहरूको नेतृत्व चयन गरिएको छ। आइतबार समिति सदस्यहरूबाट सभापति चयन गरिएको हो।

यसअघि सभामुख नन्दा गुरुङले दलहरुबाट प्रदेश मामिला समिति, सार्वजनिक लेखा समिति, अर्थ तथा प्राकृतिक स्रोत समिति र सामाजिक विकास समितिको सदस्यहरुमा मनोनित गरेकी थिइन्।

तिनै सदस्यहरुबाट आइतबार सम्पन्न निर्वाचन अनुसार सर्वसहमतिले प्रदेश मामिला समितिको सभापतिमा कल्याणी खड्का, सार्वजनिक लेखा समितिको सभापतिमा जितबहादुर मल्ल, अर्थ तथा प्राकृतिक स्रोत समितिको सभापतिमा दुर्गाबहादुर रावत र सामाजिक विकास समितिको सभापतिमा घनश्याम भण्डारी चयन भएको प्रदेश सभा सचिव जीवराज बुढाथोकीले जानकारी दिए।

प्रदेशसभा सचिव बुढाथोकीकाअनुसार निर्वाचन पाछि सभापतिहरुलाई सभामुख गुरुङले पद तथा गोपनीयताको शपथ खुवाएकी छन्।

प्रदेश मामिला समिति
कल्याणी खड्का–सभापति