युनिकोड
कर्णालीका मुख्यमन्त्री राजकुमार शर्माले आज (माघ ६) शुक्रबार विश्वासको मत लिँदैछन्।
संविधानको धारा १६८ बमोजिम नियुक्त भएको ३० दिनभित्र विश्वासको मत लिने प्रावधान अनुसार शर्माले १० औं दिनमै विश्वासको मत लिने तयारी गरेका हुन्।
त्यसका लागि उनले मंगलबार बुलेका ५ बजे नै विश्वासको मतका लागि प्रदेश सभा सचिवालयमा प्रस्ताव पेस गर्ने सुचना दिइसकेका प्रदेश सभा सचिवालयले जनाएको छ।
यस्तै, विश्वासको मतको लागि बिहान ११ बजे सभामुख नन्दा गुरुङले कार्य व्यवस्था परामर्श समितिको बैठक बोलाएकी प्रदेश सभा सचिवालयका प्रमुख सचिव जीवराज बुढाथोकीले जानकारी दिए।
सचिव बुढाथोकीका अनुसार उक्त बैठकले आज दिउँसो चल्ने संसदको कार्यसुची तयार गर्ने र सोही अनुसार सभा सञ्चालन हुनेछ।
यस्तै, संसदमा सुरुमा मुख्यमन्त्री शर्माले आफ्नो भनाई राख्छन् भने प्रत्येक दलबाट दलका नेताहरुले आ–आफ्ना धारणा राख्नेछन्।
प्रदेश सभामा नेकपा एमाले, माओवादी, नेपाली कांग्रेस, एकीकृत समाजवादी, राप्रपा गरि पाँच दल र एक जना स्वतन्त्र सांसद रहेका छन्।
आज ७ जनाले नै सभामा सम्बोधन गर्ने प्रदेश सभा सचिवालयले जनाएको छ।
प्रतिक्रिया