युनिकोड
दक्षिण अमेरिकी देश गुयानाको संसद्मा भारतीय मूलका मन्त्री विकास रामकिसुनले हिन्दीमा भाषण गरेपछि भिडिओ भाइरल भएको छ।
संसद् सत्रका क्रममा विपक्षी दलले आफूलाई हिन्दी भाषा नआउने भनेपछि उनले हिन्दीमै जवाफ दिएका हुन्।
विपक्षी दलका सांसद विष्णु पाण्डेले सदनमा भनेका थिए, विकास रामकिसुनलाई हिन्दीको एक शब्द पनि आउँदैन।
त्यसपछि रामकिसुनले सभामुखसँग अनुमति मागेर हिन्दीमा जवाफ दिएका थिए।
उनले भने, ‘म उनीहरूलाई अहिले नै चुनौती दिन्छु- कुनै पनि तहमा, कुनै पनि ठाउँमा विषय तय गर्नू, म कुनै पनि कागज नहेरी हिन्दीमा बहस गर्नेछु।’
भिडिओ भयो भाइरल
मन्त्री विकास रामकिसुनको भाषण गरेको भिडिओ सामाजिक सञ्जालमा सेयर गरेपछि भाइरल भएको छ।
Full Parliament Speech of Guyana Minister Vikash Ramkisoon on the Big Hindi Debate which has gone viral in India. He was challenged by Opposition on his Hindi-speaking ability. He quotes from Hindu ancient texts of Tulsidas in Awadhi/Sanskrit published by Motilal Banarsidas. https://t.co/NWnfClxy84 pic.twitter.com/jp9K7l9CfO
— Aditya Raj Kaul (@AdityaRajKaul) February 10, 2026
यो भिडिओ भारतीय उच्चायोगले गुयानाको राजधानी जर्जटाउनबाट एक्समा पोस्ट गरेको हो।
भिडिओ हेरेपछि भारतसहित धेरै देशका मानिसले उनको हिन्दीको प्रशंसा गरेका छन्।
विकास रामकिसुन हाल गुयानामा कृषिमन्त्री छन्।
गुयानामा ४० प्रतिशत भारतीय मूलका मानिस
गुयानामा भारतीय मूलको जनसंख्या ठुलो छ। कुल जनसंख्याको लगभग ४० प्रतिशत मानिस भारतीय मूलका छन्।
गुयानामा भारतीय उपस्थितिको सुरुवात १८३८ मे ५ मा भएको हो। यस दिन भारतबाट ३९६ जना सम्झौता गरिएका मजदुरलाई ब्रिटिस गुयानामा लगिएको भारतीय सञ्चारमाध्यमले उल्लेख गरेका छन्।
ती मजदुर मुख्यतया उत्तर भारतका विभिन्न भागबाट गएका थिए। उनीहरूलाई त्यहाँ उखु उद्योगमा काम गर्न लगिएको थियो।
यसपछि लगभग एक शताब्दीसम्म जारी रहेको इन्डेन्टेड श्रम प्रणालीको समयमा हजारौँ भारतीय त्यहीँ बसोबास गर्न थाले।
समय बित्दै जाँदा उनीहरूले त्यहाँको शिक्षा, प्रशासन र राजनीतिमा उपस्थिति बढाउँदै लगे।
हाल गुयानामा धेरै जना मन्त्री, सांसद र प्रमुख नेता भारतीय मूलका छन्।
प्रतिक्रिया