युनिकोड
अमेरिकाका राष्ट्रपति डोनाल्ड ट्रम्पले युक्रेनका राष्ट्रपति भोलोदिमिर जेलेन्स्कीले रुस र युक्रेनबीच चलिरहेको युद्ध रोक्ने प्रस्ताव अझै नपढेकामा आफू अलि निराश भएको बताएका छन्।
ट्रम्पले आइतबार भने, ‘हामीले रुसका राष्ट्रपति पुटिन र युक्रेनका राष्ट्रपति जेलेन्स्कीसँग कुरा गरेका छौँ। राष्ट्रपति जेलेन्स्कीले अझै प्रस्ताव नपढेकामा म अलि निराश छु।’
उनले थपे, ‘रुस यसमा सहमत छ, तर मलाई लाग्दैन कि जेलेन्स्की सहमत छन्। उनका मानिसहरूलाई यो मन पर्छ, तर उनी तयार छैनन्।’
रुस र युक्रेनबीच चलिरहेको युद्ध रोक्न निरन्तर वार्ता भइरहेको छ। यसैबीच युक्रेनमा रुसले बमबारी जारी राखेको रिपोर्ट प्राप्त भएको बीबीसीले जनाएको छ।
रुसले शनिबार राति युक्रेनमा हवाई आक्रमण सुरु गरेको छ। युक्रेनी औद्योगिक सहर क्रेमेनचुकका मेयरले सहरमा "ठूलो स्तरको" आक्रमण भएको बताएका छन्।
यसैबीच रुसी रक्षा मन्त्रालयले विभिन्न क्षेत्रमा ७७ युक्रेनी ड्रोन खसालेको दाबी गरेको छ।
प्रतिक्रिया