भाजपाले बिहारमा पैसाले चुनाव जितेको भीआईपी प्रमुख सहनीको आरोप

विकासशील इन्सान पार्टी (भीआईपी) का प्रमुख मुकेश सहनीले बिहारमा भारतीय जनता पार्टी (भाजपा) ले 'पैसा खुवाएर' चुनाव जितेको आरोप लगाएका छन्।

उनले भने, 'चुनाव जित र हारको बारेमा हो। महागठबन्धन असफल भयो र एनडीए सफल भयो। हामी उनीहरूलाई बधाई दिन्छौँ...तर उनीहरूले जनादेश पाएनन्; उनीहरूले पैसाको आधारमा मत पाए।'

मुकेश सहनीले भने, 'देशको लोकतन्त्र खतरामा छ। यदि चुनावको बीचमा कसैलाई पैसा दिइयो भने यो ठूलो प्रश्न हो... हामी लोकतन्त्र बचाउन २०२९ को लागि कडा तयारी गर्नेछौँ।'

भारतको बिहार प्रदेशमा हालै सम्पन्न विधासभा चुनावमा कुल २४३ सिटमध्ये एनडीएले २०२ सिट जित्यो भने यसमा सम्मिलित भाजपाले मात्रै ८९ सिट जितेर पहिलो पार्टी बनेको छ।