युनिकोड
बिहार चुनावको मतगणना जारी छ।
भारतीय सञ्चारमाध्यमका अनुसार भारतीय जनता पार्टी (भाजपा) सम्मिलित एनडीएले बलियो अग्रता लिइरहेको छ।
भारतीय निर्वाचन आयोगका अनुसार, एनडीएले ८० सिटमा अग्रता लिइरहेको छ भने महागठबन्धन २९ सिटमा अगाडि छ।
आरजेडीबाहेक महागठबन्धनका कुनै पनि दल अहिलेसम्म दोहोरो अंकमा पुग्न सकेका छैनन्।
राज्यका २४३ विधानसभा सिटका लागि मुख्य प्रतिस्पर्धा सत्तारुढ एनडीए (राष्ट्रिय लोकतान्त्रिक गठबन्धन) र महागठबन्धनबीच छ।
एनडीएका प्रमुख दलहरूमा जनता दल युनाइटेड (जेडीयू), भारतीय जनता पार्टी (भाजपा), लोक जनशक्ति पार्टी (एलजेपी) र हिन्दुस्तानी अवम मोर्चा (एचएएम) छन्।
महागठबन्धनमा राष्ट्रिय जनता दल (आरजेडी), कंग्रेस, विकासशील इन्सान पार्टी (भीआईपी), वामपन्थी दल र भारतीय समावेशी पार्टी (आईआईपी) छन्।
बिहार विधानसभा चुनावको मतदान नोभेम्बर ६ र ११ मा दुई चरणमा गरिएका थिए।
जसको मतगणना आज बिहान ८ बजेदेखि राज्यका ३८ जिल्लाका ४६ मतगणना केन्द्रमा भइरहेको हो।
यसका लागि कडा सुरक्षा व्यवस्था मिलाइएको छ। अधिकारीहरूले मतगणनाका कारण शुक्रबार पटनाका सबै विद्यालय बन्द गरिएकव बताएका छन्।
प्रतिक्रिया