युनिकोड
अमेरिका-इरान युद्धका बेला पाकिस्तानले इरानी सैन्य विमान राख्न आफ्नो हवाई अड्डा उपलब्ध गराएको आरोप लागेको छ।
सीबीएस न्युजले अमेरिकी अधिकारीहरूलाई उद्धृत गर्दै अप्रिलमा युद्धविराम घोषणा भएको केही दिनपछि इरानले पाकिस्तानी वायुसेनाको नुर खान हवाई अड्डामा धेरै विमानहरू पठाएको दाबी गरेको हो।
रिपोर्टमा भनिएको छ, ‘विमानमा इरानी वायुसेना आरसी-१३० विमान पनि थियो। यो गुप्तचर र निगरानी अभियानका लागि लकहिड सी-१३० हर्कुलस ट्रान्सपोर्ट विमानको संस्करण हो भन्ने विश्वास गरिन्छ।’
अर्कातर्फ पाकिस्तानले पनि उल्लिखित विमान आफ्नो हवाई अड्डामा आइपुगेको स्वीकार गरेको छ।
पाकिस्तानको विदेश मन्त्रालयले विज्ञप्ति जारी गरी भनेको छ, ‘पाकिस्तानमा रहेको इरानी विमान युद्धविरामको समयमा आएको थियो र यसको कुनै पनि सैन्य कारबाहीसँग कुनै सम्बन्ध छैन।’
प्रतिक्रिया