युनिकोड
बिहीबार बिहान इन्डोनेसियामा ७.४ म्याग्निच्युडको शक्तिशाली भूकम्प गएको छ।
भूकम्पपछि सुनामीको चेतावनी दिइएको बीबीसीले जनाएको छ।
अमेरिकी भूगर्भ सर्वेक्षणका अनुसार भूकम्प स्थानीय समय बिहीबार बिहान ६:४८ बजे मुलुक्का सागरमा गएको हो।
भूकम्पको केन्द्रबिन्दु टर्नेट सहरबाट लगभग १२० किलोमिटर टाढा थियो, जुन २ लाखभन्दा बढी जनसंख्या भएको सानो तर घना बस्ती भएको टापु हो।
हवाईस्थित सुनामी चेतावनी प्रणालीले भूकम्पको केन्द्रबिन्दुदेखि हजार किलोमिटर पर इन्डोनेसिया, फिलिपिन्स र मलेसियाको तटीय क्षेत्रसम्म समुद्री छाल पुग्ने सम्भावना रहेको जनाएको छ।
भूकम्पबाट क्षतिबारे भने अहिलेसम्म कुनै जानकारी आएको छैन।
प्रतिक्रिया