रुसको सैन्य विमान दुर्घटना, २९ जनाको मृत्यु

रुसको रक्षा मन्त्रालयले क्रिमियामा एउटा रुसी सेनाको विमान दुर्घटना हुँदा २९ जनाको मृत्यु भएको जानकारी दिएको छ।

मन्त्रालयले रुसी समाचार एजेन्सीहरू तास र आरआईए-नोवोस्तीलाई बताएअनुसार प्राविधिक खराबीका कारण एन-२६ विमान पहाडमा ठोकिएको हो। दुर्घटनामा चालक दलका ६ सदस्य र २३ जना यात्रु गरी सबै २९ जनाको मृत्यु भएको छ। 

तासले मंगलबार स्थानीय समयअनुसार साँझ ६ बजे विमानसँग सम्पर्क टुटेको जनाएको छ। त्यसपछि खोजी गर्दा विमान दुर्घटनाग्रस्त अवस्थामा फेला परेको हो। 

विमान १९६० को दशकको अन्त्यदेखि प्रयोगमा छ र यो धेरैपटक घातक दुर्घटनामा परेको छ। 

२०२० मा युक्रेनको खार्किभमा यो विमान दुर्घटना हुँदा २६ जनाको मृत्यु भएको थियो भने २०२१ मा रुसको सुदूरपूर्वमा दुर्घटना हुँदा २८ जनाको ज्यान गएको थियो।