युनिकोड
इजरायल रक्षा बल (आईडीएफ) ले लेबननको राजधानी बेरुतमा बिहीबार रातभर 'ठुलो मात्रामा, व्यापक आक्रमण' गरिएको दाबी गरेको छ।
बेरुतको दहियाह क्षेत्रमा हेजबुल्लाहको कमान्ड सेन्टर र ड्रोन भण्डारमा आक्रमण गरिएको इजरायलले जनाएको छ।
इजरायली सेनाले विज्ञप्तिमा भनेको छ, ‘इजरायली नागरिकलाई हानि पुर्याउने कुनै पनि प्रयास सह्य छैन।’
गत फेब्रुअरी २८ मा इजरायल र अमेरिकाले संयुक्त हमला गरी इरानका सर्वोच्च नेता अयातोल्लाह अली खामेनी हत्या गरेपछि बदला लिन भन्दै लेबनानबाट हेजबुल्लाहले इजरायलमा क्षेप्यास्त्र र ड्रोन प्रहार गरेपछि लडाइँ चर्किएको हो।
हेजबुल्लाह सिया मुस्लिम राजनीतिक र सैन्य संगठन हो, जसलाई इरानबाट बलियो समर्थन प्राप्त छ।
उक्त संगठनले इजरायलको अस्तित्वको अधिकारको विरोध गर्छ।
प्रतिक्रिया