युनिकोड
रुसले पश्चिमी युक्रेनी सहर टेर्नोपिलमा ठूलो ड्रोन र मिसाइल आक्रमण गरेको छ।
हमलामा तीन बालबालिका सहित कम्तिमा २५ जनाको मृत्यु भएको बीबीसीले जनाएको छ।
युक्रेनी उद्धार अधिकारीहरूले आक्रमणले दुई आवासीय ब्लकहरूलाई निसाना बनाइएको बताएका छन्।
अधिकारीहरूका अनुसार आक्रमणमा १५ बालबालिका सहित ७३ जना घाइते भएका छन्।
यो आक्रमणलाई २०२२ मा रुसको खुला युद्ध सुरु भएदेखि पश्चिमी युक्रेनमा भएको सबैभन्दा घातक आक्रमणमध्ये एक मानिएको छ।
आक्रमणबाट ल्भिभ र इभानो-फ्रान्किभस्कका पश्चिमी क्षेत्र पनि प्रभावित भएका छन्।
उत्तरी सहर खार्किभका तीन जिल्ला ड्रोन आक्रमणको निसानामा परे। जहाँ ३० भन्दा बढी मानिस घाइते भएका छन्।
ल्भिभका प्रमुखले त्यहाँको ऊर्जा सुविधामा क्षति पुगेको बताए।
अनलाइन पोस्ट गरिएका तस्बिरहरूले भवनहरू र सवारी साधनहरूमा आगो लागेको देखाएको छ।
युक्रेनको वायु सेनाले भनेको छ कि यसले रुसको ४७६ ड्रोनहरू मध्ये ४४२ र यसका ४८ मध्ये ४१ मिसाइलहरू खसालेको छ।
प्रतिक्रिया