युनिकोड
इजरायली अधिकारीहरूले इजिप्ट र रेडक्रसको अन्तर्राष्ट्रिय समिति (आईसीआरसी) का टोलीलाई बन्धकहरूको शव खोज्न अनुमति दिइएको बताएका छन्।
अमेरिकाको मध्यस्थतामा भएको युद्धविराम सम्झौताअन्तर्गत पहिलो चरणका रूपमा हमासले २८ इजरायली बन्धकमध्ये अहिलेसम्म १५ जनाको शव मात्र हस्तान्तरण गरेको छ।
बाँकी शवका लागि इजरायली सरकारले माथिका टोलीहरूलाई गाजाको इजरायली सैन्य-नियन्त्रित क्षेत्रमा अवस्थित तथाकथित ‘पहेँलो रेखा’भन्दा बाहिर खोजी गर्न अनुमति दिइएको बताएको छ।
इजरायली सरकारले यी टोलीहरूलाई गाजाको इजरायली सैन्य-नियन्त्रित क्षेत्रहरूमा अवस्थित तथाकथित "पहेंलो रेखा" भन्दा बाहिर खोजी गर्न अनुमति दिइएको बताएको छ।
आइतबार इजरायली सञ्चारमाध्यमले भनेको छ, ‘हमास सदस्यहरूलाई आईसीआरसी टोलीहरूसँग गाजाको आईडीएफ-नियन्त्रित भागमा प्रवेश गर्न र खोजीमा सहयोग गर्न पनि अनुमति दिइएको छ।’
हमासले २०२३ अक्टोबर ७ मा इजरायलमा आक्रमण गर्ने क्रममा उनीहरूलाई बन्धक बनाएको थियो।
युद्धविराम सम्झौताअनुसार हमासले सबै बन्धकको शव फिर्ता गर्नुपर्नेछ।
हमासले भनेको छ, ‘हामी इजिप्टका अधिकारीहरूसँग समन्वय गरिरहेका छौँ।’
अमेरिकाका राष्ट्रपति डोनाल्ड ट्रम्पले हमासलाई बन्धकहरूको शव ‘चाँडो फिर्ता’ गर्न भनेका छन्।
अन्यथा शान्ति प्रक्रियामा संलग्न अन्य देशले उनीहरू (हमास) विरुद्ध कारबाही गर्ने चेतावनी उनले दिएका छन्।
प्रतिक्रिया