युनिकोड
भारतीय राज्य छत्तीसगढमा भएको मुठभेडमा नम्बल्ला केशव राव उर्फ बसवराजुसहित धेरै जना माओवादी मारिएकामा भारतीय कम्युनिस्ट पार्टी अर्थात् सीपीआई (माओवादी) ले प्रतिक्रिया दिएको छ।
सीपीआई माओवादीले प्रेस विज्ञप्ति जारी गरी पार्टी महासचिव बसवराजुको हत्यामा आत्मसमर्पण गरेका माओवादीहरूको ठूलो हात रहेको उल्लेख गरेको हो।
विज्ञप्तिमा भनिएको छ, ‘पछिल्लो ६ महिनामा माड क्षेत्र (अबुझमद) का विभिन्न एकाइका केही व्यक्ति कमजोर भएर प्रहरी अधिकारीहरूसमक्ष आत्मसमर्पण गरे र देशद्रोही बने। दादा (केशव राव) को सुरक्षामा मुख्य भूमिका खेल्ने सदस्य पनि तिनैमध्ये पर्छन्।’
मे २१ मा सुरक्षा बलले छत्तीसगढको नारायणपुरमा भएको एक मुठभेडमा नम्बल्ला केशव राव उर्फ बसवराजु मारिएको बताएको थियो।
प्रतिक्रिया