युनिकोड
टर्कीका राष्ट्रपति रेसेप तैयप एर्दोगानले भारत र पाकिस्तानबीच जारी तनावप्रति चिन्ता व्यक्त गरेका छन्।
सामाजिक सञ्जालमा पोस्ट गर्दै एर्दोगानले भारत र पाकिस्तानबीचको सैन्य टकराब गम्भीर द्वन्द्वमा परिणत हुन सक्ने आशंका व्यक्त गरेका हुन्।
उनले लेखेका छन्, ‘क्षेप्यास्त्र आक्रमणमा धेरै सर्वसाधारणको मृत्यु भएकामा हामी चिन्तित छौँ कि भारत र पाकिस्तानबीचको तनाव गम्भीर युद्धमा परिणत हुन सक्छ।’
उनले अगाडि लेखेका छन्, ‘म आक्रमणमा ज्यान गुमाएका मेरा दाजुभाइका लागि ईश्वरको कृपाको प्रार्थना गर्दछु र फेरि एकपटक मेरा दाजुभाइसमान मानिस र पाकिस्तानप्रति समवेदना व्यक्त गर्दछु।’
एर्दोगानले एक दिनअघि पाकिस्तानका प्रधानमन्त्री शाहबाज शरिफसँग फोनमा कुरा गरेका थिए।
प्रतिक्रिया