युनिकोड
अफगानिस्तानका तालिबान अधिकारीहरूले अमेरिकाले उनीहरूका तीन नेता- सिराजुद्दीन हक्कानी, अजिज हक्कानी र याह्या हक्कानीविरुद्ध घोषित पुरस्कार हटाएको दाबी गरेका छन्।
यसबारे अमेरिकाले अहिलेसम्म कुनै टिप्पणी गरेको छैन।
रोयटर्सको रिपोर्टअनुसार, अफगानिस्तानको गृह मन्त्रालयका प्रवक्ताले अमेरिकाले सिराजुद्दीन हक्कानीविरुद्ध घोषणा गरिएको १ करोड डलरको इनाम हटाएको बताएका हुन्।
यसैबीच एफबीआईको वेबसाइटमा अफगानिस्तानका कार्यवाहक गृहमन्त्री सिराजुद्दीन हक्कानीविरुद्ध अझै १ करोड डलरको इनाम यथावत् छ। हक्कानीले ‘अफगानिस्तानमा अमेरिकी र गठबन्धन सेनाविरुद्ध सीमापार आक्रमणमा भाग लिएको’ भनिएको छ।
सिराजुद्दीन हक्कानीसँगै अब्दुल अजिज हक्कानी र याह्या हक्कानी पनि अमेरिकाको वान्टेड सूचीमा छन्।
बीबीसीका अनुसार ट्रम्प प्रशासन अफगानिस्तानमा कैद गरिएका अमेरिकी नागरिकहरूको रिहाइ सुनिश्चित गर्न प्रयासरत छ।
अफगानिस्तानमा २ दशकदेखि जारी युद्धमा २ हजारभन्दा बढी अमेरिकी सेवा सदस्य मारिएका छन्।
प्रतिक्रिया