युनिकोड
भारतस्थित मध्यप्रदेशको शिवपुरी जिल्लामा बिहीबार लडाकु विमान दुर्घटना भएको छ।
बिहीबार दिउँसो शिवपुरीको करैरा प्रहरी चौकी क्षेत्रअन्तर्गत सुनरी चौकीनजिकै उक्त विमान दुर्घटना भएको हो।
समाचार एजेन्सी एएनआईका अनुसार यो विमान दुई सिट भएको मिराज २००० थियो।
दुर्घटनामा दुवै पाइलट घाइते भएका छन्।
यसबारे भारतीय वायुसेनाले विज्ञप्तिमा जारी गरी भनेको छ,‘प्राविधिक त्रुटिका कारण मिराज २००० शिवपुरी ग्वालियरमा दुर्घटनाग्रस्त भयो।’
‘यो नियमित प्रशिक्षण उडानमा थियो। दुवै पाइलट सुरक्षित छन्। घटना अनुसन्धान गर्न कोर्ट अफ इन्क्वायरी गठनको आदेश जारी गरिएको छ।’
प्रतिक्रिया