युनिकोड
रुसको कुर्स्क क्षेत्रमा युक्रेनले नयाँ आक्रमण थालेको रुसी रक्षा मन्त्रालयले जनाएको छ।
एक वक्तव्य जारी गर्दै मन्त्रालयले आक्रमणकारी युक्रेनी समूहलाई नष्ट गर्ने प्रयास भइरहेको जनाएको छ। युक्रेनी अधिकारीहरूले पनि सैन्य कारबाही चलिरहेको बताएका छन्।
युक्रेनले गत अगस्टमा कुर्स्कमा पहिलोपटक आक्रमण गरेको थियो। त्यसबेला करिब १ हजार वर्गकिमि क्षेत्रफल कब्जा गरेको युक्रेनी सेना पछिल्लो समय पछि हट्दै गएको थियो।
तर, रुसी सेनाले उनीहरूलाई आफ्नो भूमिबाट पूर्णरूपमा निकाल्न भने सकेको थिएन।
‘मस्कोको समयअनुसार बिहानको ९ बजेतिर कुर्स्कको दिशामा रुसी सैनिकहरूको अग्रतालाई रोक्न दुस्मनले प्रत्याक्रमण सुरु गरेको छ,’ रुसी रक्षा मन्त्रालयले भनेको छ।
तर, सो आक्रमण कत्रो हो भन्ने स्पष्ट भइसकेको छैन।
युक्रेनी सेना जनशक्ति अभावले नराम्ररी प्रभावित भएको खबर आइरहेका छन्। एजेन्सी
प्रतिक्रिया